Rryma do të shtrenjtohet, pavarësisht a prodhohet nga qymyri, era, uji apo dielli

Si u prodhua nga qymyri, si nga era, uji apo dielli, një gjë është e sigurt. Rryma do të shtrenjtohet. Por i mbetet Qeverisë së Kosovës të mos i ngarkojë qytetarët me tarifa më të larta se që mund t’i përballojnë. Shefi i Bankës Botërore në Kosovë, Jan Peter Olters, në një intervistë për gazetën “Tribuna” tregon se debatit për shfrytëzimin e energjisë alternative apo qymyrit po i vije fundi.
Sipas Jan Peter Olters, Kosova ka nevojë për energji dhe tashmë pothuajse është arritur një konsensus me të gjitha palët, si me shoqërinë civile ashtu edhe me institucionet vendimmarrëse që të zgjidhet ky problem sa më shpejtë. Për institucionin që ai përfaqëson zgjidhja, është kjo: “Të përdoret aq qymyr që është e nevojshme dhe sa më shumë energji alternative që është e mundur të prodhohet”.

Olters thotë se duhet të ndërtohet Termocentrali Kosova e Re, me kapacitet 300+300 megavat që kërkon rreth 1 miliard euro investim dhe t’i hapet rrugë sektorit privat për ndërtimin e kapaciteteve të reja të energjisë alternative. Kështu, vendi sipas tij, i jep fund ndotjes së ambientit nga termocentrali dhe mbetet në linjë me direktivat ambientaliste të Bashkimit Evropian.

“Kosova është zotuar që të përshtat politikat e saj të energjisë në linjë me ato të Bashkimit Evropian dhe traktatit të komunitetit për energji, i cili do të kërkojë që Kosova A të mbyllet deri në vitin 2017 dhe Kosova B të rehabilitohet dhe të jetë brenda standardeve të kërkuara me direktivat e BE-se aki komunitae”, thekson Olters.

Arsyet përse është vonuar kaq shumë ndërtimi i kapaciteteve të reja energjetike ai thotë se janë të shumta, por më kryesore kanë qenë diskutimet për ndikimin në ambient dhe kriza financiare.
“Pra, gjatë kësaj kohe të krizës është bërë më e vështirë tërheqja e investimeve në masën e nevojshme për ndërtimin e një termocentrali të madh. Termocentrali i ri llogaritet do që të kushtojë rreth 1 miliard euro”, thotë Olters.

Për t’i bindur investitorët për një investim të tillë, qeveris i është dashur të rishikoj projektin, në mënyrë që të ketë mirëkuptim edhe për investitorët edhe për interesat e vendit.

“… debati po vazhdon dhe mendoj se nga të gjitha palët ka një shkallë të lartë të mirëkuptimit, çka është ideja, çfarë kërkohet, çfarë është e mundur dhe çfarë mund të realizohet financiarisht”. /Telegrafi/

Artikulli paraprakPrishtinalit shumë luftëtar,nuk ka as aplikacione për ta
Artikulli vijuesRryma do të shtrenjtohet, pavarësisht a prodhohet nga qymyri, era, uji apo dielli