Serbia me numrin më të madh të të moshuarve

Drejtoria e statistikave të Serbisë ka bërë të ditur se nga gjithsej 7.186.862 banorë që ka ky vend, 1.177.766 e tyre janë të moshës më të madhe se 65 vjet. Këto statistika e bëjnë Serbinë me numrin më të madh të të moshuarve në Evropë dhe në Botë. Brankica Jankoviç, përfaqësuese e Ministrisë së Punës dhe Mirëqenies Sociale të Serbisë, në lidhje me këtë shtoi se këto janë rezultatet e statistikave më të fundit të numërimit të popullsisë së këtij vendi. 81.550 banorë të Serbisë janë të moshës mbi 85 vjet, gjë që konsiderohet pozitive sa i përket rritjes së nivelit mesatar të jetës në vend, por nga ana tjetër edhe mbështetja dhe përkujdesja e shtetit ndaj të moshuarve duhet të jetë me e madhe sepse numri më i madh i të varfërve gjendet tek të moshuarit.

Artikulli paraprakSuedi kandilët e detit nxorrën jashtë përdorimi centralin bërthamor
Artikulli vijuesSulmin i qendrës tregtare në Najrobi u udhëhoq nga një gjerman