Sekretari amerikan i Shtetit, John Kerry, njoftoi se SHBA-ja është e gatshme t’i ofrojë një ndihmë të menjëhershme financiare prej 190 milionë $ qeverisë së Egjiptit.
Pas një takimi me Presidentin egjiptian, Mohammed Mursi, Kerry deklaroi se ky vend ka nevojë alarmante për të ardhura monetare. 190 milionë $ nga 450 milionë $ e premtuar prej Uashingtonit do t’i ofrohen menjëherë Kajros në këmbim të dhënies së garancisë nga ana e Presidentit Mursi në lidhje me kryerjen në vend të reformave ekonomike të kërkuara nga FMN-ja.
Qeveria egjiptiane ishte duke negociuar me FMN-në për marrjen e një kredie prej 4.8 miliardë $ nga Kajro, por procesi u pezullua për shkak të shpërthimit të protestave masive në vend.
