Një gjykatë në Shkup ia ka caktuar masën e paraburgimit prej 30 ditësh, Gafurr Dugolli, ish-pjesëtar i UÇK-së që aktualisht punon në Ministrinë e FSK-së. Lajmin për KTV-në e ka konfirmuar vëllai i tij, Bujar Dugolli.
“Ia kanë caktuar 30 ditë dhe kjo është një padrejtësi. Është për keqardhje që shteti maqedonas merr parasysh ligje e fletëarreste të Serbisë për banorët e Kosovës”, ka thënë Dugolli.
Familjarët e Dugollit kanë qenë në Shkup deri në orët e mbrëmjes në pritje të vendimit për të.
