Për të kontrolluar fluksin e madh të refugjatëve, Slovakia do dërgojë forca të sigurisë për të ndihmuar kolegët e tyre në Maqedoni, kjo në kuadër të projektit Frontex. Ata do stacionohen në kufirin jugor, pranë qytetit të Gjevgjelisë.
Kryeministri Robert Fico dhe ministri i brendshëm Robert Kalinak bënë të ditur edhe numrin e policëve që do jetë 25.
Deri tani Slovakia ka ndihmuar me 70 ushtarë kufitarë Hungarinë dhe Sloveninë.
Slovakia ka mohuar kuotat mbi shpërndarjen proporcionale të refugjatëve nga Lindja e Mesme, me pretekstin e frikës nga islamizimi i vendit. Mirëpo qeveria është e gatshme të ndihmojë financiarisht mbi zgjidhjen e krizave në vendet tjera.
