Veseli: Duhet rritur besueshmërinë e qytetarëve

Ish shefi i SHIK-ut Kadri Veseli këtë vikend do të presë vetëm disa minuta derisa Hashim Thaçi kreu i partisë dhe mik i ngushtë i tij, të rehatohet në pozitën e Kryetarit të Partisë, që Veseli të ulet në ulësen afër shefit.
Në kohën kur flitet për një koalicion të mundshëm në mes të PDK-së dhe AAK-së, koalicion ky për të cilin lideri i AAK-sëRamush Haradinaj, pretendon pozitën e kryeministrit, Veseli thotë për “Zëri” së pretendentëve për të qenë në politikë u duhet besueshmëria.
“Me respektin e jashtëzakonshëm, për secilin njeri në aktivitetet e veta politike, aq më tepër për një figurë e cila i ka dhënë shumë Kosovës, i cili ka kapacitetet e veta intelektuale dhe morale, i cili ka përgjegjësinë e vet para qytetarëve të Kosovës, mendoj se të gjithë ne që pretendojmë të jemi në politikë, të paktën duhet qëllimisht të rrisim besueshmërinë e qytetarëve tek ne, se po mundohemi dhe po punojmë për të mirën e tyre dhe në interes të tyre”, tha Veseli./Indeksonline/