VIDEO EKSKLUZIVE: Kamioni i zhavorrit transporton drogë

Detajet e intervistës me të dyshuarit për trafik të drogës kanë qenë tema e reportazhit të rubrikës “Policia” të transmetuar në emisionin “Drejtësia në Kosovë”.
Shoferi i kamionit të mbushur me zhavorr nuk ka mundur t’u japë përgjigje policëve për mënyrën se si përfunduan 36 kilogramë drogë në kamionin e tij.
Pak minuta pasi është arrestuar, 40 vjeçari është befasuar me zbulimin që policia e ka kryer në rimorkion e kamionit të tij.
Detajet e intervistës me të dyshuarit për trafik të drogës kanë qenë tema e reportazhit të rubrikës “Policia” të transmetuar në emisionin “Drejtësia në Kosovë”.
Në aksionet e zhvilluara në dy muajt e fundit policia ka konfiskuar rreth 80 kilogramë drogë të cilat ishin nisur nga rrethina i Gjakovës drejt rrethinës së Podujevës.
Pjesa e parë e narkotikëve prej 36 kilogramëve është gjetur gjatë ndaljes dhe kontrollit të një kamioni të ngarkuar me rërë ndërsa pjesa tjetër prej rreth 40 kilogramëve janë konfiskuar në bastisjen e një veture në fshatin Sekiraqë të Podujevës.
Në intervistat e tyre për emisionin, zyrtarë të njësisë së drogave kanë shpjeguar detajet e aksionit dhe mënyrat se si policia u ka rënë në gjurmë trafikantëve të drogës.