Një grua amerikane që quan veten Jihad Jane (trns. Xhihad Xhejnë) është dënuar të hënën me 10 vjet burgim, për gjoja komplot të dështuar për të vrarë një artist suedez, i cili e ka ofenduar figurën e Profetit dhe me këtë tërë komunitetin mysliman.
Colleen LaRose, 50 vjeçe, është shpallur fajtore për pjesëmarrje gjoja në konspiracion për vrasjen e Lars Vilks, për shkak të vizatimeve të tij që e ofendojnë Profetin Muhamed si qen.
LaRose, e cila gjoja është konvertuar në Islam online, u ka thënë hetuesve se ka ndjekur urdhrat nga kinse disa operativë të dyshuar të Al-Kaidës, kur ka udhëtuar në Evropë më 2009, për të sulmuar Vilksin.
E frustruar dhe e pakënaqur me gjoja bashkëkomplotistët e saj, gjashtë javë më vonë, ajo është kthyer në Filadelfia, ku edhe është arrestuar.
Vilks nuk është sulmuar kurrë.
LaRose ka mundur të përballet me burgim të përjetshëm, por gjykatësit e kanë dënuar atë me vetëm dhjetë vjet, për shkak të bashkëpunimit të gjerë me hetuesit.
Ajo tashmë ka shërbyer më shumë se katër vjet./rel
