Një i lënduar nga aksidenti në Pejë

0
165

Mbrëmë pas mesnate ka ndodhur një aksidente trafiku në Pejë mes një veture dhe një motoçiklete.

Rreth këtij aksidenti për Indeksonline ka folur zëdhënësi i Policisë së Kosovës për rajonin e Pejës, Driton Rugova. Ai ka treguar që motoçiklisti ka pësuar lëndime trupore dhe është dërguar në Spitalin Rajonal të Pejës.

“Një aksident trafiku ka ndodhur në qytetin e Pejës pas mesnate mes një veture dhe një motoçiklete. Si pasojë e këtij aksidenti, vozitësi i motoçikletës ka pësuar lëndime trupore. I njëjti është dërguar në Spitalin Rajonal të Pejës. Ai është jashtë rrezikut për jetë.”, tha Driton Rugova./Indeksonline/