Që nga sulmet e 11 shtatorit 49 mijë persona kanë humbur jetën në Pakistan

Që nga sulmet e 11 shtatorit 2001 në Pakistan kanë humbur jetën 49 mijë persona thuhet në një njoftim të agjencisë Shinhua të lajmeve.
Sipas këtij kanali ndër personat që kanë humbur jetën në Pakistan numërohen edhe 15 mijë forca pakistaneze të sigurimit. Vetëm gjatë 5 viteve të kaluara në rajonet ku konflikti ende është i hapur, në Veri të Pakistanit, janë vrarë më shumë se 9 mijë civilë, 3 mijë talebanë. Gjatë kësaj periudhe janë regjistruar 257 sulme me raketa, 4 mijë e 256 shpërthime bombash në rajonet fisnore të shtetit Hejbar Pakhonkhah në veriperëndim të Pakistanit.