Hakerët nga e gjithë bota kërcënojnë Izraelin

Grupi i hakerëve nën emrin e përgjithshëm “AnonGhost” synon të ndërmarrë një sulm masiv kibernetik kundër faqeve izraelite të Internetit.
Sulmi është planifikuar për këtë të mërkurë, më 11 shtator.
Në prag të kësaj ngjarje, grupi publikoi në një sërë forumesh Interneti listën e objektivave të vet. Midis tyre përmenden edhe shumë faqe Interneti të qeverisë. “Operacionin e vet special” hakerët e kanë quajtur “OpIsrael Reborn”.
Nismëtarët e sulmit në fjalë u bënë thirrje gjithë hakerëve, që dëshirojnë, të bashkohen me ta dhe të thyejnë web-faqet izraelite ose të shkatërrojnë trafikun në mënyrë që të bllokojnë aksesin në to.