Kina kritikon spiunimet kompjuterike amerikane

Kina ka kritikuar ashpër qasjen e dyanshme të SHBA me rrjetet e internetit si dhe sulmet kibernetike.
Ministria e jashtme kineze ditën e premte gjatë një deklarate bëri të ditur se Amerika që thotë është viktimë e sulmeve kibernetike, po përdor teknika të reja që mund të depërtojnë në të dhënat kompjuterike të të tjerëve, madje edhe nëse nuk është i lidhur me internetin. Nga ana tjetër ministria e jashtme kineze tha se i kërkon OKB të përcaktojë standardet unike në lidhje me teknologjinë e informacionit. Hung Li, zëdhënësi i ministrisë së jashtme të Kinës gjatë deklaratave të tij i ka kërkuar SHBA për përmirësimin e atmosferës kibernetike dhe vendosjen e sigurimit për informacionet të respektojë bashkëpunimet dhe marrëdhëniet me të tjerët. Gazeta China Daily, sot shkruan se Amerika ka shpifur më tepër ndaj vendeve të tjera në kuadër të atmosferës kibernetike, ndërkohë që 100 mijë kompjuterë në të gjithë botën janë në shërbim të spiunëve amerikanë