Arabi Saudite, binjakët e bashkuar ndahen pas 9 orësh operacion

Kirurgët në Arabinë Saudite arritën të ndanin dy binjakë të ngjitur pas një operacioni që zgjati 9 orë dhe tashmë pritet që foshnjet të rekuperohen plotësisht.

Grupi i kirurgëve, i udhëhequr nga ish-ministri i Shëndetësisë së këtij vendi, Dr. Abdullah Al-Rabeeah, e realizoi me sukses operacionin e ndërlikuar në një spital në Rijad.

Të dy bebet mësohet se janë në gjendje të mirë shëndetësore. Binjakët, të cilët janë nga Jemeni, ndanin me njëri-tjetrin disa organe, përfshirë zorrët.

Arabia Saudite ka një ekip kirurgësh nga më të mirët për ndarje binjakësh. Ata kanë pasur sukses në 30 operacione të tilla në 20 vitet e fundit./ TCH

Artikulli paraprakGjermania i jep 1 milion euro për kthimin e emigrantëve ilegal
Artikulli vijuesHoxhallarët bëjnë edhe një pajtim