Pas hetimeve intensive, Njësia Rajonale e Hetimeve në Ferizaj ka identifikuar dhe e ka arrestuar, Arben R. (42 vjeç) i dyshuar për grabitjes me armë, dy ditë më parë, në kazinon “Kajot” në Ferizaj.
Gjatë marrjes në pyetje, i dyshuari e ka pranuar se grabitjen e ka kryer së bashku me një shokun e tij, i cili është duke u kërkuar nga policia. Tek i dyshuari, poashtu, janë gjetur edhe prova materiale, si: maska, një revole lodër, një portofol xhepi që i përkiste viktimës së grabitur si dhe 400 Euro para të gatshme (nga 1500 euro sa ishin grabitur dy ditë më parë).
Me urdhëresë të Prokurorisë Themelore në Ferizaj, të dyshuarit i është shqiptuar masa e ndalesës policore 48 orëshe.
