Kryebashkiaku i Kavajës, Elvis Rroshi është arrestuar këtë të hënë me urdhër të Prokurorisë me akuzën e falsifikimit të dokumenteve.
Mandati për arrestimin e tij është nxjerrë nga Gjykata e Tiranës, ndërsa mbetet për t’u zbardhur se për çfarë falsifikimi bëhet fjalë, raporton Tch.
Kryebashkiaku i Kavajës është një ndër emrat më të akuzuar nga opozita për të shkuarën e tij. Partia Demokratike thotë se ai ka fshehur faktin që është i dënuar në formularin e vetëdeklarimit.
Menjëherë pas dorëzimit të formularëve, KQZ ka nisur verifikimet për disa emra, që dyshohet se kanë fshehur vepra penale apo dënime të kryera në të shkuarën.
