Të paktën 40 njerëz kanë mbetur të vdekur dhe të paktën 1 mijë e 500 tjerë të lënduar në tërmetin e dytë që goditi Japoninë në dy ditët e fundit.
The Independent shkruan se tërmeti i fuqishëm me magnitudë prej 7.3 shkallësh të Richterit, i cili është ndier përgjatë rajonit Kumamoto në jugperëndim të ishullit Kyushu, në orën 1:25 të mëngjesit të së shtunës, sipas kohës lokale japoneze, ka lenë qindra mijëra njerëz pa ujë dhe energji elektrike, transmeton Gazeta Express.
Shumë ndërtesa janë shembur, ndërsa ekipet e shpëtimit ishin duke gërmuar nëpër nën rrënoja dhe baltë në përpjekje për t’i shpëtuar ata njerëz të cilën janë ngujuar, por dridhjet tjera pas tërmetit të madh, i kanë penguar përpjekjet e ekipeve të shpëtimit dhe kanë alarmuar për më shumë dridhje të forta.
Mijëra ushtarë janë dërguar nëpër vende të ngjarjes për të ndihmuar.
