Autostrada Nish-Prishtinë- Durrës, Mediu: Shqiptarët dalin humbës

Ish-ministri i qeverisë Berisha, kryetar i Partisë Republikane dhe aktualisht deputet, Fatmir Mediu ka dalë kundër projekteve infrastrukturore të diskutuara së fundmi mes kryeministrit Rama dhe homologut serb Vuçiq, konkretisht për autostradën Beograd-Nish-Prishtinë-Merdarë- Durrës.

Mediu thotë se Shqipëria nuk përfiton asgjë nga ky projekt, ndërkohë që edhe Kosova do dilte e humbur sa i përket marrëdhënieve tregtare, pasi këto shkëmbime më shumë do forcohen me Serbinë se sa me Shqipërisë.

Ja si e argumenton këtë çështje Fatmir Mediu në një koment të tijin në facebook.

“Marrëzitë e Ramës nuk kanë fund. Nëpërmjet medias ka njoftuar se do firmos me kryeministrin Serb Vuçiq projektin e autostradës Beograd-Nish-Prishtinë-Merdarë- Durrës. Ky projekt dhe investim nuk i jep asnjë përfitim Shqipërisë të paktën për momentin.

Së pari Prishtinë- Merdarë- Durrës autostrada është e perfunduar. Eshte ajo autostradë që Rama nuk ka lënë gjë pa thënë kundër ndërtimit të saj.
Së dyti nëse ky lajm është i konfirmuar, as më shumë dhe as më pak Rama veç mbështet interesat e palës serbe për të ndërtuar me fondet e BE infrastrukturën e saj.

E treta në kushtet e një politike tërësisht diskriminuese për Kosovën në shkëmbimet tregtare, sot Kosova ka fluks tregtar më të madh me Serbinë se me ne, kjo rrugë do t’i jepte më shumë hov marrëdhënieve ekonomike Kosovë- Serbi sesa ndërmjet shqiptarëve.

E katërta është absurde të mendosh që do rritet fluksi i turistëve serbë drejt Shqipërisë duke i siguruar atyre një dalje të re në det. Ata e kanë një dalje me Malin e Zi, i cili ka një turizëm shumëfish më të organizuar dhe më kualitativ se ne, kanë të njëjtën gjuhë dhe zakone dhe rreth 1/2 e popullsisë është serbe.

“E pesta e vetmja lehtësi për ne si shqiptarë është mundësia për të arritur më shpejt në vendet e BE”.kohaislame
Artikulli paraprakLutfi Haziri “pa shtëpi”, por në bankë i ka 121 mijë
Artikulli vijuesTV Dukagjini: Gjykata Speciale themelohet tek në janar