Bozdag: Gjermania të mos ndërhyjë në punët e brendshme të Turqisë

0
251

Ministri i Drejtësisë i Republikës së Turqisë, Bekir Bozdag, deklaroi sot në Ankara se zyrtarët e Gjermanisë nuk duhet të ndërhyjnë në punët e brendshme të Turqisë, raporton Anadolu Agency (AA).

“Zyrtarët e Gjermanisë, ministri i Drejtësisë si dhe e nderuara Merkel, që të gjithë marrin të drejtën për të komentuar pothuajse secilin proces gjyqësor në Turqi. Ata duhet të kuptojnë se Turqia është shtet i pavarur, sovran dhe se gjyqësori në Turqi është i pavarur njëjtë siç është në Gjermani. Nuk mund të ndërhyni në punët e brendshme të Turqisë. Këtë nuk ka të drejtë ta bëjë as Angela Merkel, as ndonjë ministër tjetër. Këtë nuk ka të drejtë ta bëjë asnjë shtet”, tha Bozdag.