KUJDES: PAMJE SHQETESUESE
Një grua, e armatosur me granate dore dhe një armë automatike, u vra nga forcat e policisë, ndërsa tentoi që të sulmojë zyrat qendrore të policisë në Stamboll të Turqisë.
Një foto e gruas me flokë të kuqe, e vrarë, ka qarkulluar në media.
Sulmi vjen një ditë pasi në gjykatën e këtij qyteti u shënua një pengmarrje, që përfundoi me vrasjen e një prokurori dhe të dy terroristëve të Frontit për Çlirimin e Popullit Revolucionar.
Një zyrtar i policisë tha: “Zyrat qendrore të policisë në rrugën Vatan u sulmuan me armë zjarri nga një terroriste femër, e cila u vra gjatë përplasjes”.
Po të mërkurën, policia ndaloi një person të armatosur, i cili kishte hyrë në zyrat e partisë në pushtet në Stamboll.
Ai vari në dritare një flamur turk me emblemën e një shpate.
Kryeministri Ahmet Davotoglu tha se këto janë provokime përpara zgjedhjeve të qershorit.
