Ish ambasadori dhe profesori universitar, Alajdin Demiri shprehet se urgjentisht duhet të intervenoj bashkësia ndërkombëtare që të zgjidh problemin në Butel të Shkupit, pasi në të kundërtën situata mund të esklaloj dhe të dal jashtë kontrollit përmes incidenteve mes maqedonasve dhe shqiptarëve. Sipas tij ambasadori amerikan, Xhes Bejli duhet urgjentisht ti kontaktoj kryetarët e dy partive më të mëdha në qeverinë e Maqedonisë, Nikolla Gruevskin dhe kryetarin e BDI-së Ali Ahmetin me qëllim që tu jep fund tensioneve ndëretnike dhe ndërfetare. “ Diplomacia amerikane duhet urgjentisht të angazhohet sidomoas ambasadori amerikan, Xhes Bejli i cili me kredibilitetin e tij duhet ti ulë dy liderët politik, Nikolla Gruevskin dhe Ali Ahmetin që menjëher të heqin dorrë nga ngjarjet në Butel, pasi këto ngjarje rrënojnë bashkëjetesën dhe stabilitetin e Maqedonisë. Në këtë fazë qytetarët nuk ka nevojë as për kryqa dhe as për simbole tjera, por kanë nevojë për standard më të mirë jetësor dhe ardhmëri të sigurt duke u bë Maqedonia pjesë e BE-së”, ka deklaruar për Zhurnal, ish diplomati, Alajdin Demiri. Ndryshe ende vazhdon protesta në Butel të Shkupit kundër vendosjes së kryqit nga ana e Todor Petrovit i cili ka për qëllim që të provokon shqiptarët e Maqedonisë duke paralajmëruar edhe dy kryqe në hyrje dhe dalje të Shkupit.
