Është bërë përurimi i segmentit D4 të autostradës “Ibrahim Rugova”, gjegjësisht segmenti nga Suhareka deri në Duhël me gjatësi katër kilometra. Përurimi i këtij segmenti u bë nga kryeministri Hashim Thaçi dhe ministri i Infrastrukturës, Fehmni Mujota.
Kryeministri Hashim Thaçi me këtë rast tha se kjo është një ditë e veçantë ngase sipas tij Kosova duke ndërtuar infrastrukturën, po e lehtëson rrugën drejt integrimeve euroatlantike. “Kur e filluam këtë projekt ishte vetëm një ëndërr dhe tani po bëhet realitet në shtetin e Kosovës. Kjo po bëhet falë punës së institucioneve të Kosovës, dhe Qeveria do t’i kryej të gjitha obligimet për përfundimin e plotë të autostradës dhe në afatin e paraparë”, theksoi kryeministri Thaçi.
Me këtë rast, edhe ministri Fehmi Mujota tha se kjo është një ditë e rëndësishme “pasi po lëshohet në qarkullim katër kilometrat e autostradës apo rrugës së kombit Ibrahim Rugova”. Ai konfirmoi me këtë rast se këtë vit do të përfundojnë të 60 km e autostradës. Deri në vjeshtë pritet të përfundojë segmenti deri në Orllat.
Ministri Mujota gjithashtu tha se do të nisë edhe autostrada në drejtim të Hanit të Elezit.kohaislame
