Egjipt, shpërthejnë protestat, 110 të plagosur

0
131

Protesta të reja kanë shpërthyer në kryeqytetin egjiptian Kajro, në një nivel dhune që karakterizohet si më i ashpëri që kur Presidenti Mohammed Mursi mori detyrën në fund të qershorit.

Qindra njerëz janë raportuar të jenë plagosur pasi mbështetësit dhe kundërshtarët e presidentit Mursi u përleshën në sheshin Tahrir.

Situata është tensionuar, pasi gjyqtarët egjiptianë kritikuan përpjekjet e presidentit Mursi për të hequr Kryeprokurorin e vendit.

Protesta pason lirimin e 24 personave të akuzuar për sulmet ndaj protestuesve gjatë kryengritjes së vitit të kaluar.

Dëshmitarët thanë se një tubim kritik i presidentit ishte duke u zhvilluar në Sheshin Tahrir të premten, kur një turmë prej mbështetësve të tij sulmuan podiumin e tyre.

Luftimet shpërthyen dhe protestuesit qëlluan njëri tjetrin me gurë, shishe benzine dhe bomba.

Ministria e Shëndetësisë ka publikuar numrin e të plagosurve në 110, raportoi televizoni shtetëror./tch/kohaislame