"Flota e 3-të e Lirisë" që synon të thyejë bllokadën izraelite është nisur drejt Gazës

Flota përbëhet nga pesë anije të vogla, në të cilat ndodhen 48 persona.
 
 
KRETË (AA) – Flota e përbërë nga disa organizata ndërkombëtare humanitare të quajtur “Flota 3-të e Lirisë”, e cila ka për qëllim thyerjen e bllokadës detare të Gazës dhe të ndihmojë banorët e saj, u nis nga ishulli grek i Kretës për në Gaza, raporton Anadolu Agency (AA).
 
Flota përbëhet nga pesë anije të vogla, në të cilat ndodhen 48 persona. Në anijen e cila i prinë flotës, të nisur një ditë më parë për në Gaza, ndodhet edhe ish-president i Tunizisë, Muhamed Munsif Al-Marzuki. Në varësi të motit, pritet që flota në Gaza të mbërrijë për dy apo katër ditë.
 
Në një nga anijet që përbëjnë flotën është edhe një gazetar i Anadolu Agency, i cili do të ndjek gjithë rrugën e flotës për në Gaza.
 
Flota përbëhet nga shoqatat ndërkombëtare në vijim: “European Campaign to End the Siege on Gaza”, “Freedom Flotilla Italia”, “Gaza’s Ark”, IHH, “International Committee for Breaking the Siege on Gaza” (ICBSG), “Rumbo a Gaza”, “Ship to Gaza-Greece”, “Ship to Gaza-Norway”, “Ship to Gaza-Sweden”. 
 
Rikujtojmë se grupet ndërkombëtare që përbëjnë lidhjen e organizatave humanitare “Flota e Lirisë” nisjen drejt Gazës e kanë njoftuar vitin e kaluar.
 
Më parë flota “Mavi Marmara”, e cila përbëhej nga tetë anije, lundroi për në Gaza në vitin 2010. Edhe atëherë qëllimi ishte për të thyer bllokadën detare të Gazës dhe ofrimin e ndihmës për banorët e saj.
 
Forcat izraelite sulmuan flotën dhe me këtë rast u vranë dhjetë njerëz. Midis tyre ishin nëntë shtetas turq.
 
Bllokada detare e Izraelit është vendosur në vitin 2007, dhe përbën ndalim të zbarkimit të anijeve pa lejen paraprake nga Izraeli.
Artikulli paraprakXhamitë në Halep kanë mbetur pa ezan dhe pa teravih
Artikulli vijuesHoxha më i mirë me futbollistin më të mirë shqiptar