FMN njeh qeverinë e Somalisë, pas 22 vitesh

Fondi Monetar Ndërkombëtar ka njohur qeverinë e Somalisë, pas një pauze të marrëdhënieve prej 22 vjetësh.

Kjo lëvizje mund të lejojë FMN-në të ofrojë mbështetje teknike dhe politika këshilluese për vendin e rrënuar në pjesën më lindore të Afrikës.

Gjithsesi, FMN nuk do të ofrojë parà për Somalinë, deri sa ky vend të shlyejë 352 milionë dollarë borxhe, që i detyrohet kësaj organizate.

Somalia ka ndërmarrë një proces të ngadaltë të rindërtimit të vendit, pas luftës civile prej 2 dekadash.

“FMN njeh sot qeverinë federale të Somalisë, të drejtuar nga presidenti Hassan Sheikh Mohamud, duke i hapur rrugë rivendosjes së marrëdhënieve pas një periudhe 22-vjeçare”, lexohej në një deklaratë të FMN-së. “Vendimi vjen në përputhje me përkrahjen e gjerë ndërkombëtare dhe me njohjen e qeverisë federale”.

Donacionet ndërkombëtare janë rikthyer me një hap të ngadaltë ndaj qeverisë Mogadishu, që prej zgjedhjes së presidentit Mohamud, vitin e kaluar.

Vendi kreu për herë të parë zgjedhje të tilla, që prej kryekomandantët rrëzuan diktatorin ushtarak Mohamed Siad Barre në 1991.

SHBA njohën zyrtarisht Somalinë në janar./tch/kohaislame

Artikulli paraprakBE paralajmëron Spanjën dhe Slloveninë
Artikulli vijuesThe Times: Regjimi i Basharit ka përdorur armë kimike