Forcat Ajrore të Desantit të Rusisë mund të ndodhen në Siri në rast të shprehjes së vullnetit politik të Presidentit të vendit për këtë dhe bashkërendimit të të gjitha çështjeve me Këshillin e Sigurimit të OKB-së, njoftoi ditën e enjte Komandanti i Forcave Ajrore të Desantit të Rusisë, Gjeneral-koloneli Vladimir Shamanov .
Vladimir Shamanov vuri gjithashtu në dukje se efektivët e Forcave Ajrore të Desantit janë përfshirë tani në një trajnim të posaçëm me qëllim që në rast nevoje të evakuojnë Ambasadën e Rusisë dhe qytetarët rusë nga Siria. Kjo detyrë do t’u ngarkohet batalioneve të zbulimit.
