I përgjuari në të gjitha telefonatat e publikuara, Adem Grabovci, u është shmangur medieve për një muaj të tërë, dhe nuk ka folur asnjëherë për aferën “Pronto”.
Të hënën, pasi është pyetur nëse vazhdon të jetë diplomati që e “sill dhe e pështill”, ai ka folur për bisedat e përgjuara, duke arsyetuar madje rehatinë e familjarëve si vlerë të gjithë partisë në pushtet, transmeton “Koha”.
Adem Grabovci, shef i Grupit parlamentar të PDK-së, një muaj pas publikimit të disa prej bisedave telefonike të përgjuara, ku fliste për shkarkimin e kryeparlamentarit Krasniqi dhe interesohej për rehatinë e dajës dhe të një bashkëvendësi, është kujtuar që t’u kërkojë falje publike qytetarëve të Kosovës. /Telegrafi/
