Haradinaj: Ndryshimi i Ligjit për Lirinë Fetare i nevojshëm për anëtarësim në UNESCO

Kryeministri i vendit Ramush Haradinaj, në vazhdimin e seancës plenare ka prezantuar Projektligjin për ndryshimin dhe plotësimin e Ligjit nr. 02/L-31për Lirinë Fetare në Kosovë, duke thënë se nevojitet avancimi i kornizës ligjore që rregullon statusin juridik të bashkësive fetare, pozitën e tyre juridike dhe fondet e tyre

Sipas tij, nevoja e këtij projektligji konsiston në rregullimin e Bashkësive fetare në Kosovë.

“Paraqes Projektligjin për ndryshimin dhe plotësimin e Ligjit nr. 02/L-31për Lirinë Fetare në Kosovë, e cila është miratuar nga Qeveria e Kosovës. Nevoja për nxjerrjen e këtij Projektligji konsiston në rregullim e bashkësive fetare në Kosovë, pozitën e tyre juridike dhe fondet e tyre. Me ligjin në fuqi njihen pesë bashkësi fetare në Kosovë, BIK, Kisha ortodokse Serbe, Kisha katolike, Bashkësia e besimit hebre dhe Kisha protestante.

Në projektligj është shtuar edhe bashkësia e tarikateve të Kosovës. Ky projektligj është bazuar në Konventën Ndërkombëtare dhe në Komisionin e Venedikut. Janë dy ligje që i aftësojnë kriteret e Kosovës për Anëtarësim në UNESCO”, ka thënë kryeministri Haradinaj.

Artikulli paraprakDita e Flamurit, festë e rimëkëmbjes
Artikulli vijuesKQZ shpall rezultatet përfundimtare të balotazhit