Presidenti i Francës, Fransua Holand ka qenë për një vizitë në xhaminë e madhe në Paris, ku dhe zbuloi dy tablo specifike për ushtarët myslimanë të cilët kanë dhënë jetën për republikën e Francës. Është hera e parë që Holand viziton xhaminë që nga dita kur u kurorëzua si president i Francës.
Kjo ceremoni u zhvillua me rastin e njëqind vjetorit të flijimit të mijërave ushtarë myslimanë të cilët luftuan në radhët e ushtrisë franceze gjatë luftës së parë botërore.
Gjatë fjalës së tij, Holand u shpreh:”Ky nder nuk u bëhet vetëm ushtarëve myslimanë të rënë dhe që luftuan si pjesë e ushtrisë franceze, por edhe të gjallëve prej tyre. Ai tha se islami në Francë është islam i hapur dhe që përshtatet me të gjithë. /ardhmeriaonline/
