Instagrami tani me gjysmë miliardi përdorues

Rrjeti social për fotografi Instagram tani numëron më shumë se 500 milionë përdorues aktivë, 100 milionë më shumë sesa në muajin shtator të vitit të kaluar.
Instagrami ka njoftuar se çdo ditë më shumë se 300 milionë njerëz e përdorin aplikacionin e fotografive.
Rritja totale e Instagramit mbetet e fuqishme, pasi 80 për qind e përdoruesve jetojnë jashtë Shteteve të Bashkuara të Amerikës, për dallim nga 75 për qind në muajin shtator.
Ndryshimet e fundit në “murin” e postimeve kanë pasur ndikim në rritjen e përdoruesve të Instagramit. Në aplikacion shpërndahen çdo ditë 95 milionë postime të reja dhe 4 miliardë pëlqime.