Afro 40 vetë janë vrarë sot në valën e sulmeve me bomba në gjithë Irakun.
Zyrtarët thanë se sulmi më vdekjeprurës ishte ai në Hilla, në pjesën jugore të Irakut, që është e banuar me popullatë shumicë shiite.
Nga dy bomba këtu janë vrarë së paku 27 vetë dhe janë plagosur afro 90 të tjerë.
Në qytetin e shenjtë shiit Qerbela, në jug të Bagdadit, nga sulmi me makinë-bombë janë vrarë së paku pesë vetë dhe plagosur së paku 20 të tjerë.
Disa të tjerë janë vrarë në Falluxha, afër patrullës së policisë, dhe në Mosul.
