Ja data kur merret vendimi për ndeshjen Serbi-Shqipëri

16 prilli 2015, kjo do të jetë data në të cilën Shqipëria do të marrë përgjigjen përfundimtare dhe më të rëndësishmen për ndeshjen e 14 tetorit të vitit të kaluar në Beograd.

Gjykata e Arbitrazhit Sportiv do të vendosë në mesin e prillit nëse do të ndryshojë apo jo renditja e Grupit I, dhe kuqezinjtë do të marrin ose jo atë që kishin pretenduar që atë mbrëmje në “Beograd” tre pikët. Pavarësisht përpjekjeve të juristëve shqiptarë për të afruar datën e vendimit nga ana e KAS, ky i fundit vendosi të mblidhet më 16 prill. Më 8 janar, KAS njoftoi se Shqipëria dhe Serbia kishin paraqitur zyrtarisht ankimimin e tyre për vendimit e Komisionit të Disiplinës dhe atij të Apelit të UAFA-s, duke kërkuar anulimin e vendimit të qeverisë së futbollit europian.

 
Pavarësisht se tifozët serbë mësynë fushën dhe futbollistët e kombëtares u goditën në fushë nga ana e tyre, UEFA vendosi në favor të Serbisë duke i dhënë ndeshjen 3-0 në tavolinë Serbisë e duke e penalizuar më pas këtë të fundit me heqjen e 3 pikëve për dhunën e ushtruar nga tifozët e saj. FSHF gjithashtu u ndëshkua dhe me 100 mijë Euro gjobë. Ndërkohë që qeveria e futbollit kontinental nuk mori në konsideratë koret me karakter racist dhe as dhunën e ushtruar ndaj kuqezinjve duke penalizuar Shqipërinë për mosrikthimin në fushën e lojës. Gjithsesi me 16 prill do të mësohet përfundimisht nëse do të ketë drejtësi për kuqezinjtë!/bs/kohaislame
Artikulli paraprak"Der Standard" ikjeve po i ndihmojnë policët serb e hungarez
Artikulli vijuesSi i mbrojti Sulltani gjermanët nga francezët vetëm me uniforma