Policia e Britanisë së Madhe ka shkatërruar një bandë që merrej me shpërndarjen e kokainë, që besohet se furnizonte Manchester-in.
Gjatë një mësymje të programuar në 17 adresa të ndryshme në Manchester, Salford, Trafford dhe veri të Uellsit, u arrestuan 21 persona, shumica shqiptarë.
Oficerët kanë sekuestruar një kilogram kokainë, vlera e të cilës në rrugë do të shkonte 100 mijë paund.
Gjithashtu janë sekuestruar 30 mijë paund para të gatshme, dy armë, një silenciator dhe municione.
Operacioni u finalizua pas tetë muajsh hetime për bandën e shqiptarëve që dyshohej se furnizonte qytetin e Machester-it me kokainë. Mes të arrestuarve janë 18 meshkuj dhe tre femra. /shekulli/
