Nëse kandidati republikan Donald Trump fiton zgjedhjet presidenciale, për respekt të besimit tim nuk mund të shkoj në Shtetet e Bashkuara të Amerikës, deklaroi sot fituesi i zgjedhjeve për bashkinë e Londrës, Sadiq Khan.
Khan, 45 vjeç, kryetari i parë mysliman i bashkisë së Londrës, ndërhyn kështu menjëherë në debatin e hapur që është në qendër të fushatës elektorale presidenciale amerikane, të provokuar nga Trump, i cili deklaron se është i vendosur të ndalojë hyrjen e myslimanëve në SHBA, nëse zgjidhet president i vendit.
“Dua të shkoj në SHBA për t’u takuar me kryetarët e bashkive atje. Nëse Donald Trump zgjidhet president, për respekt të besimit tim më ndalohet të shkoj”, deklaroi Khan për ”Time”.
Qytetari i parë i Londrës shtoi se vënia kundër njëri-tjetrit e komuniteteve nuk çon në një bashkëjetesë të suksesshme dhe miqësore.
”Kam besim se politika e Trumpit nuk do të fitojë në Amerikë”, thekson ai.
