Koshtunica: Evropës nuk i intereson Serbia si tërësi

Kryetari i Partisë Demokratike në Serbi, Vojslav Koshtunica, ka thënë se qeveria e re serbe duhet të sjellë ndryshime për popullin serb, që të kenë një jetë më të mirë.

Ai ka thënë se partia e tij është përjashtuar nga bisedimet për formimin e qeverisë së re, për shkak se mbanë qëndrime neutrale ndaj Evropës.
Koshtunica ka deklaruar se Evropës, nuk i intereson Serbia si tërësi, por vazhdimisht bënë thirrje që të ketë marrëdhënie të mira me Kosovën, raporton B92.
“E vërteta do kuptohet herët a vonë. Koha do të tregojë se ne kemi pasur qëndrimin më të mirë politik pasiqë Serbia ka nevojë për një politikë neutrale. Është krejtësisht e qartë se Bashkimi Evropian nuk është i interesuar për një Serbi si tërësi, por ata e shohin vendin tonë si të ndarë. Ata na bëjnë thirrje që të kemi marrëdhënie të mira me pjesën tonë të ndarë, me Kosovën”, ka thënë Koshtunica. /Indeksonline/kohaislame

Artikulli paraprak440 të arratisur sirianë ndërmjet tyre edhe komandantë hynë në Turqi
Artikulli vijuesVritet një 10-vjeçar në Vlorë