Në një postim tijin para një ore, dijetari elitar Shejkh Jusuf El-Karadavi, (President i Lidhjes Botërore të Dijetarëve të Muslimanëve), tërheq vëmendjen e mbarë muslimanëve të botës rreth kasaphanës së Halebit në Siri, ku përtej ligjeve dhe konventave ndërkombëtare të luftës, përditë e më shumë po vriten, po digjen e po bombardohen njerëz të pafajshëm dhe pasuritë e tyre.
Ndërkohë, bota “e qytetëruar” shpenzon miliarda harami për konferenca esamite, që përfundojnë me foto hipokrite e deklarata, përbërja e të cilave u jep mundësi terroristëve realë të këtij njerëzimi të hutuar, për të vazhduar krimet dhe shkatërrimet e shteteve islame dhe interesave të muslimanëve… Realitetet e Sirisë, në vitin e saj të 5-të nën zjarr e terror, janë argumenti më bindës për këtë!
“Ku është Ymmeti Islam, me udhëheqësit e tij, dijetarët, mendimtarët dhe ushtritë e veta, para asaj që po ngjet në Haleb?! Kur do të zgjohen muslimanët, për t’i ardhur në ndihmë vëllezërve të tyre?!” – shkruan Shejkh Jusuf El-Karadavi.
Dhe, përtej kësaj, ajo që dëshmohet sot, gjithandej nga format më ekstreme të islamofobisë; diku me zjarr, diku me bombardime, diku me media, diku me mllefe e deformime historike, diku me rekrutime manjakësh mjeranë etj., ka ardhur koha të kuptohet se, në të vërtetë, ky është alarmi më serioz që duhet të tërheqë vëmendjen e elitave muslimane në çdo cep të globit për të parë interesat e veta, ato të RIZGJIMIT ISLAM!
Imam Muhamed B. Sytari
Shkodër, më 25 shtator 2016
