Ai është si liqenet e magjepsur në përralla. Vetëm se në këtë rast nuk është një përrallë, por e vërtetë! Liqeni u zbulua nga fotografi Nick Brandt, kur ai iu afrua brigjeve të Liqenit Neitron në Tanzani.Pamja është tronditëse dhe e pashpjegueshme akoma! Kufoma të kafshëve të ndryshme – veçanërisht zogj, duken sikur kanë qëndruar për pak mbi ujërat e liqenit, dhe papritur dikush ka thithur gjithë jetën e tyre, duke i kthyer në mumje! Ujërat e liqenit kanë përmbajtje të lartë natriumi, dhe kjo ka bërë që çdo gjë përreth liqenit të jetë e thatë. Të gjitha qeniet e gjalla kur afrohen, shndërrohen në fosile! Temperatura e ujit arrin 60 gradë Celsius, sipas revistës “New Scientist”.
