Në qytetin Çorum të Turqisë, nusja dhe dhëndrri pas dasmës iu bashkangjitën kujdestarisë për demokraci e cila filloi pas tentativës për grusht shteti nga ana e Organizatës terroriste Fetullahçi (FETÖ). Ata kurorëzimin e bënë në sheshin ku ishin tubuar një numër i madh i qytetarëve, raporton Anadolu Agency (AA).
Dasma e çiftit Aynur dhe Emre Uğurol u mbajt në një sallon dasmash në qytet. Ata më pas me veturën e nuses erdhën në sheshin Hürriyet (Liria) dhe iu bashkangjitën kujdestarisë për demokraci e cila filloi pas tentativës për grusht shteti në Turqi.
Kryetari i komunës së Çorum-it, Muzaffer Külcü ftoi çiftin Uğurol që të hipte në binë. Derisa kryetari Külcü po bënte kurorëzimin e çiftit në binë të pranishmit këtë akt e shoqëruan me duartrokitje të shumta.
Ai uroi çfitin e ri duke iu dëshiruar fat të mirë në jetë.
”Unë nuk munda të marrë pjesë në ceremoninë e dasmës tuaj për shkak të orarit tim të zënë. Por ju, duke ardhur në mesin tonë i keni dhënë mbështetje kujdestarisë për demokraci. Ju falënderoj në emër të qytetarëve tanë. Kur presidenti ynë nga çiftet kishte kërkuar së paku nga 3 fëmijë, të gjithë kishin reaguar. Por tani shohim se sa ka qenë i drejtë. Gjithkush të ketë së paktu dy, tre fëmijë që këto sheshe asnjëherë të mos mbeten të zbrazëta, të mos zvogëlohet numri i qytetarëve të cilët në këto sheshe mbajnë kujdestari për athdeun”, tha kryetari i komunës, Külcü.
Ndërsa çifti Uğurol, iu falënderua kryetarit dhe u shprehën se dëshirojnë t’u japin mbështetje qytetarëve të cilët në sheshe po mbajnë kujdestari për demokraci.
