Mbi 60 viktima të reja në Siri

Së paku 30 ushtarë sirianë dhe 23 kryengritës rebelë janë vrarë gjatë 24 orëve të fundit në Alepo, në përpjekje për të marrë kontrollin e një akademie ushtarake.
Observatori Sirian për të Drejtat e Njeriut po ashtu ka thënë se rebelët kanë hedhur poshtë një helikopter të qeverisë, në veri të qytetit.

Akademia ushtarake është njëri nga bastionet e fundit të regjimit, në perëndim të Alepos.

Nuk është ende e qartë nëse ndonjëra palë ka marrë kontrollin e plotë të saj, transmeton Rel.

Nga sulmet brenda Damaskut, të hënën kanë humbur jetën të paktën dy civilë, në mesin e tyre një vajzë e vogël.

Sipas aktivistëve, tetë viktima civile janë regjistruar edhe në provincën Idlib.

Që nga shpërthimi i konfliktit midis forcave qeveritare të Sirisë dhe kryengritësve rebelë, në mars të vitit 2011, Kombet e Bashkuara thonë se rreth 70,000 njerëz kanë humbur jetën.

Artikulli paraprak“Honoris Causa” për Thaçin, nga Universiteti me prapavijë radikale te krishtere
Artikulli vijuesShtime: Vëllau ther me thikë vëllanë