Kryetarja e Komunës së Gjakovës, Mimoza Kusari- Lila, këto ditë ka bërë të ditur se ka marrë kërcnime serioze për jetën e saj. Ajo ka thënë se dikush kishte paguar njerëz në Shqipëri për të vrarë atë. Ende nuk dihet për çfarë motive bëhet fjalë, por që ajo ndihet ende në kërcnim.
Një gjë që nuk u përmend është se ajo nuk është e rrezikuar nga radikalistët dhe as nga ata që kanë lidhje me Islamin, gjë që po citohet në çdo edicion të lajmeve se ne jemi të përkushtuar për luftën kundër ekstremizmit dhe radikalistët, thua ti se Kosova vlon nga numri i madh i këtyre njerëzve, ndërsa kriminelët ecin lirshëm dhe kërcnojnë me vdekje politikanë të sukseshëm.
Në Kosovë, vlon korrupcioni dhe hajnia. Këto raste të vrasjeve me pagesë janë aktive dhe jo që ka rrezik, por që nga pas lufta ka pasur edhe viktima, gjë që nuk potencohet nga media dhe institucionet zyrtare.
Mimoza Kusari nuk rrezikohet nga muslimanët, e as radikalistët, ajo rrezikohet nga kriminelët të cilët janë të veshur edhe me kravata po edhe kriminel ordinerë të cilët sillen lirshëm në trojet tona. E gjithë fuqia jonë politike dhe intelktuale duhet të fokusohet tek lufta ndaj këtyre fenomeve, se sa tek fenomeni i izoluar i radikalizmit, i cili është fantom në Kosovë./KohaIslame
