Motër e vëlla vrasin bashkëfshatarin, shkak gështenjat

Sërish vrasje për konflikte pronësie. Një 58-vjeçar është vrarë më armë zjarri në Kurbin në orët e para të mëngjesit. Ndrec Prendi u gjet i pajetë këtë mëngjes në një pyll në fshatin Selitë.
Dyshimet e para të policisë janë se 58-vjeçari mund të jetë vrarë nga dy bashkëfshatarë të rinj, motër e vëlla, për shfrytëzimin e pemëve të gështenjave.

Burime nga policia e Kurbinit thanë për Shqiptarja.com se janë dy autorë që dyshohet të kenë bashkëpunuar për krimin makabër.

Bëhet fjalë për dy të rinj, një vajzë dhe një djalë nga e njëjta familje, Indrit Ndoci 29-vjeç dhe Xhoana Ndoci 24 vjeç.

Policia thotë se i ka shpallur ata në kërkim.

Artikulli paraprakDjaloshi me jastëk të fortë por zemër të butë
Artikulli vijuesPastrimi i mëlçisë me rrush të thatë