Gjatë mbrëmjes së djeshme policia ndaloi 57 shtetas të Vendeve të Treta, kryesisht sirianë. Sipas informacioneve të policisë, sirianët kishin ardhur nga Greqia drejt Shqipërisë. Personat e kapur në kushtet e flagrancës ishin emigrantë që kalonin përmes kufirit shqiptar për në vendet e Evropës.
Policia arriti t’i ndalë ata, pranë pikës doganore të Kakavijës në fshatin Glinë. Ende nuk është bërë i ditur destinacioni që kishin sirianët pas kalimit të kufirit shqiptar, por mbetet i sigurt fakti se ata do të udhëtonin në vendet e Bashkimit Evropian.
