Ndërtimi i magjistrales nën mbikëqyrjen e policisë

0
191

Është “zhbllokuar” pengesa për ndërtimin e magjistrales Prishtinë-Pejë. Në fshatin Arllat të Drenasit që dy vite ishin paraqitur pengesa nga disa pronar tokash, mirëpo që nga kjo javë, firma “Graniti” ka nisur kryerjen e punimeve nën sigurimin e organeve të rendit.
Pronarët e tokave herë pas here po tentojnë t’i bllokojnë punimet, mirëpo aty po intervenon menjëherë policia e stacionit të Drenasit.
“Punët kanë nisur dhe shumë shpejt do të përfundojë ndërtimi i rrugës nga Arllati deri në fshatin Gjergjicë ku do të lidhet edhe me autostradën Morinë-Merdare”, thonë zyrtarë në Ministrinë e Infrastrukturës.
Brenda një viti në ketë vend kanë ndodhur dhjetëra aksidente të rënda në trafik, ku shtatë persona kanë humbur jetën si pasojë e devijimit dhe mos sinjalizimit të rrugës./ Valdrin Krasniqi /Indeksonline/kohaislame