Një komandant i lartë i Gardës Revolucionare të Iranit është vrarë dje në Siri, “gjatë një operacioni këshillues” në rajonin e Aleppos, ka njoftuar përmes një komunikate kjo njësi elite e ushtrisë iraniane.
“Gjenerali Hossein Hamedani është vrarë nga terroristët e DAESH-it (akronimi në arabisht i organizatës ISIS)”, thekson komunikata e publikuar në faqen e Gardës së Revolucionit, e cila megjithatë nuk tregon saktësisht se në çfarë rrethana ka ndodhur ky rast.
