Nju Jork do të bëhet shteti i 21-të i SHBA-së që legalizoi përdorimin e marihuanës për qëllime mjekësore.
Ndërkohë në nivel federal përdorimi i kësaj bime vazhdon të mbetet i paligjshëm. Fillimisht pacientëve do t’u lejohet përdorimi me recetë i marihuanës vetëm në 20 spitale.
Atë do të mund ta marrin vetëm njerëzit që vuajnë nga kanceri, glaukoma dhe disa sëmundje të tjera serioze. Gjatë kësaj ndalohet kategorikisht kultivimi i kanabisit për përdorim personal.
Që nga 1 janari Kolorado u bë shteti i parë ku përdorimi i marihuanës është lejuar jo vetëm për trajtim mjekësor, por edhe për qëllime rekreative. Më vonë, po këtë vit, marihuana do të dalë në shitje edhe në Uashington.
