Policia gjen një fëmijë të braktisur pranë koshit të plehrave në Tiranë

Punonjësit e Policisë Bashkiake kanë gjetur pasditen e sotme një fëmijë të braktisur pranë një koshi plehrash.
Fëmija rreth 2 vjeç ishte braktisur pranë kontejnerit të mbeturinave tek zona e Arkivit Qendror të Shtetit, në Tiranë, shkruajnë mediat shqiptare.
Mësohet se efektivët e Policisë Bashkiake e kanë pikasur fëmijën që ishte i vetëm në një karrocë dhe i janë afruar. I mituri ishte i lidhur në karrocë dhe në gjumë.
Policia Bashkiake ka marrë në ruajtje fëmijën dhe ka njoftuar Policinë e Shtetit e cila ka nisur tashmë hetimet për zbardhjen e ngjarjes.