Policia: Kushdo që e njeh këtë person të lajmërohet në stacionin më të afërt

0
110

Policia e Kosovës në rajonin e Ferizajt, ka njoftuar se ka gjetur një person të moshuar në rrugën “Vëllezërit Gërvalla”, për të cilin kërkon nga qytetarët të cilët mund të njohin personin në fotografitë më poshtë të lajmërojë në stacionin më të afërt policor.

“Kërkojmë që nga ana e mediumeve tuaja të publikoni fotot e këtij personi të cilin sot rreth orës 18:00 policia e ka gjetur në Ferizaj në rrugën “Vëllezërit Gërvalla” dhe të njëjtin e ka sjellë në stacionin policor ,ku fillimisht nga mjekët është kontrolluar dhe sipas tyre personi është në gjendje të mirë shëndetësore, por ka probleme në të folur dhe nuk është i mundur komunikimi”, thuhet në njoftim, përcjell Telegrafi.

Policia gjithashtu tregon se personi në fjalë nuk posedon kurrfarë dokumenti të identifikimit.

“Personi i gjinisë mashkull, rreth 50-55 vjeç, i gjatë rreth 160cm, flokë të thinjura, sy të kaltër, ka të veshur farmerka të kaltërta, jakne dimri të zezë, xhemper të bardhë dhe këpucë të thella ngjyrë kafe. Apelojmë tek qytetarët që e njohin ketë person të lajmërojnë stacionin më të afërt të policisë”, u tha tutje nga policia e rajonit të Ferizajt.