Pasi i kishin grabitur restorantin, Abdul Enani ka thirrur policinë siç e do rregulli, por në vend të kësaj, si një musliman i frymëzuar nga mësimet e Profeti Muhamed, ai në fakt ka ndërmarrë dhe një veprim krejtësisht tjetër, të rrallë në lloj
Në dritaren e lokalit të tij, në Bruklin të Nju Jorkut, Enani la një letër drejtuar grabitësit, me shpresën a me bindjen se ai do e lexojë një ditë.
Letra është përplot me fjalë mëshire dhe faljeje për të, ku veçohet fundi i saj me dy thënie të fuqishme nga Profeti Muhamed.
Dhe kjo ndodh në një klimë jo të mirë sociale, por dhe politike, ku sulmet e urrejtjes ndaj muslimanëve janë në rritje, si në shoqërinë amerikane ashtu dhe në atë të Perëndimit në përgjithësi.
Teksti i plotë i letrës së Enanit:
Përmes kësaj dere ju keni hyrë brenda, dhe në këtë derë po ju shkruaj:
I/E nderuar,
Shpresoj që kjo letër t’ju gjejë mirë ju dhe familjen tuaj. Ajo çfarë ka ndodhur natën e 17 gushtit ka qenë një akt aspak i mirë nga ana juaj. Pas një sërë thyerjesh të restoranteve javë pas jave, rradha i erdhi edhe restorantit tim, “Cocoa Grinders”, dhe kjo më bëri që t’ju shkruaj, me shpresë që do ta lexosh këtë letër.
Nëse më pyet mua personalisht “A do të kishe plaçkitur për të mbijetuar? Do të isha përgjigjur: Për mua do të ishte më mirë të mos mbijetoj, se sa të bëhem shkak për t’ia shkatërruar dikujt ditën ose jetën”, por sigurisht në fund të fundit, secili e ka mendimin e tij personal.
Zonjë/zotëri,
Unë nuk e kam lajmëruar rastin në polici, e as që i kam shikuar kamerat për të parë se kush je ti. Madje preferoj mos të të njoh fare.
Në rast se paratë që i ke marrë i shfrytëzon për të mirën tënde dhe të familjes tënde, atëherë të fal. Ndërsa, nëse paratë e grabitura i shfrytëzon për të shkatërruar veten dhe shëndetin tënd, atëherë prapë t’i fal, duke kërkuar prej teje që të përmirësohesh.
“Çdo njeri është gabimtar, por gabimtarët më të mirë janë ata që pendohen”, thotë Profeti Muhamed.
“Mos u bëni keq atyre që ju bëjnë keq juve, por silluni me ta me falje dhe mirësi”, thotë po ashtu Profeti Muhamed.
Me dashuri,
Abdul Elenani
Përfundon pra kështu letra e rrallë që pronari musliman i një restoranti në Nju Jork i ka shkruar grabitësit./tesheshi.com/
