Në raportin vjetor të kompanisë British Petrol (BP) theksohet se vitin e kaluar në botë është tregtuar me gjithsej 704.1 miliardë met kub gaz natyror ose tokësor.
Rusia edhe vitin e kaluar ka qenë eksportuesja më e madhe në botë e gazit natyror me 193 miliardë metra kub gaz të eksportuar, ndërsa importuesja më e madhe ka qenë Gjermania me 104 miliardë metër kub gaz të importuar, raporton Anadolu Agency (AA).
Në raportin vjetor të kompanisë British Petrol (BP) theksohet se vitin e kaluar në botë është tregtuar me gjithsej 704.1 miliardë metër kub gaz natyror ose tokësor, që është për katër për qind më tepër se në krahasim me vitin 2014. Rusia ka qenë lidere në këtë tregti me një pjesëmarrje prej 27.4 për qind në tregun global, ndërsa Gjermania ka qenë vendi importuesi më i madh botëror me pjesëmarrje prej 14.7 për qind në treg.
Kompanitë ruse vitin e kaluar rritën eksportin me 2.8 për qind krahasuar me vitin e kaluar dhe përmes rrjetit të dendur të gazsjellësit në tregun botëror eksportuan gjithsej 193 miliardë metër kub, ndërsa pjesa më e madhe e këtij gazi rus ka përfunduar në Gjermani, e cila nga Rusia ka blerë 45.2 miliardë metër kub gaz.
Turqia është blerësi i dytë më i madh me 24 miliardë metër kub të blerë. Pas Rusisë, eksportuesi i dytë më i madh i gazit natyror vitin e kaluar ka qenë Norvegjia, e cila eksportoi gjithsej 109.5 miliardë metër kub, ndërsa vijon Kanadaja me 74.3 miliardë kub gaz të eksportuar.
