Shkatërrohet Ferrari, shpëton Alonso

Piloti i njohur Fernando Alonso, ka pësuar një aksident me ferrarin e tij, megjithatë ka shpëtuar. Alonso nuk ka pësuar asnjë dëmtim, ndërsa makina e tij, e cila është dëmtuar së tepërmi.

Piloti ka dalë nga pista për t’u përplasur dhunshëm me barrierat mbrojtëse gjatë testeve të ditës së enjte që skuderia italiane po zhvillonte në cirkuitin e Mugello.

Spanjolli që prej ditësh po provon ndryshimet në impiantin e ri të shkarkimit të gazrave në makinën F2012, por në xhiron e 19-të të testeve ka humbur kontrollin për t’u përplasur me barrierat mbrojtëse.