Gjatë jetës, është shumë e zakonshme të ndeshim situata të gënjeshtra. Ashtu si rasti i atij shokut që nuk dëshiron suksesin tuaj aq shumë sa e tregon, apo një koleg që ju përshëndet dhe, në të njëjtën kohë, përpiqet t’ju vërë në rrezik.
Njohuria se si të merreni me njerëz të rremë, pra, është esenciale për lumturinë dhe mirëqenien tuaj. Mënyra më e lehtë është t’i largoni nga jeta juaj. Megjithatë, vendimi nuk është gjithmonë nën kontrollin tuaj dhe ndoshta bashkëjetesa është e pashmangshme. Për situata si këto, përgatitja bën dallimin.
Lexoni këto 6 këshilla se si të merreni me njerëzit e gënjeshtërt dhe si të mos lejoni që ta komprometojnë jetën tuaj:
Mbajtja e distancës
Në shumicën e konflikteve, dialogu është zgjidhja. Kur dikush ju dëmton ose ju zhgënjen, për shembull, ia vlen të flisni për të kuptuar arsyet dhe çfarë mund të bëni për të përmirësuar. Me njerëzit e gënjeshtërt, megjithatë, ky veprim duket një humbje e energjisë, një humbje kohe. Arsyeja është se marrëdhëniet, duke përfshirë ato profesionale, janë shumë të bazuara në besim dhe kur dikush përpiqet të jetë i rremë, madje edhe në qëndrimet që duken të padëmshme, kjo lidhje prishet. Pas një situate të tillë, është normale të ndiheni të tradhëtuar dhe rrjedhimisht, është shumë e vështirë të rifilloni në të njëjtin nivel marrëdhënieje. Për më tepër, njerëzit e rremë sërish mund të jenë jashtëzakonisht bindës. Prandaj, rekomandimi është të mbani distancë pas identifikimit të dikujt që është fallco. Mos jini të pasjellshëm, por thjesht kufizoni ndërveprimet.
Mos i tregoni asgjë të rëndësishme
Falja është një proces themelor për të qenë të lumtur. Mos u brengosni as me ata që ju mërzisin, merreni jetën më lehtë dhe ruani energjitë e mirë. Kur vjen puna te njerëzit fallco, megjithatë, falja nuk duhet të jetë sinonim për të harruar atë që është bërë. Edhe nëse individi kërkon ndjesë dhe premton të mos e bëjë përsëri, është e domosdoshme të mos thuhen gjëra të rëndësishme në praninë e tij. Pra, mos thoni se cilat janë planet tuaja, me çfarë projekti jeni duke punuar apo çfarë mendoni për një person tjetër. Duke folur për këto tema, njerëzit fallco do të kenë mundësi të reja për të shtrembëruar atë që keni thënë ose bërë, kështu që në këto raste është më mirë t’i shmangni.
Kini kujdes atë që dëgjoni
Ashtu si duhet të jeni të kujdesshëm për gjithçka që thuhet, është e këshillueshme t’i kushtoni vëmendje asaj që dëgjoni. Arsyeja është shumë e thjeshtë: edhe me kufijtë e rinj të përcaktuar, bashkëjetesa me dikë tfallco, ende mund të sjellë informacione që nuk korrespondojnë me realitetin. Para se të besoni gjithçka që del nga goja e ndotur prej gënjeshtrave, mendoni dy herë. Në shumicën e rasteve, është më mirë të injoroni dhe të supozoni se nuk është e vërtetë. Nëse jeni në dyshim, sqaroni faktet, pyesni drejtpërsëdrejti se kush tjetër është i përfshirë dhe bëni testin.
Shmangni përballjen
Energjia juaj e përditshme është e kufizuar. Kur merrni vendime, keni ndërveprime shoqërore ose hyni në debate, niveli zvogëlohet dhe ju jeni më pak të gatshëm të përballeni me pjesën tjetër të ditës. Pra, pse harxhoni energji me dikë, karakteristika kryesore e të cilit / cilës është gënjeshtra? Shmangia e përballjeve është një sugjerim i rëndësishëm për mënyrën e menaxhimit të njerëzve të rremë. Debati nuk do të jetë i vlefshëm dhe ndoshta do të mbyllet pa ndonjë përfundim apo ndryshim. Për t’i bërë gjërat edhe më keq, personi tjetër ende ka shansin të shtrembërojë faktet dhe të ju fajësojë kur ju jeni në të vërtetë viktimë. Të ballafaquar me një situatë në të cilën gënjeshtra ju dëmton, përpiquni të shmangni problemin drejtpërdrejt, ose me shefin tuaj ose me një të dashur. Duke shmangur konfrontimin, ju do të tregoni se nuk ju interesojnë qëndrimet e atyre që përpiqen t’ju godasin.
Mos u përfshini në thashetheme
Një tjetër mënyrë se si të merreni me njerëz të rremë është të mos merreni me thashetheme, pasi në fund të fundit, ky është mekanizmi i tyre dhe jo juaji. Megjithëse qëllimi është që t’i bëjnë njerëzit e tjerë më të vëmendshëm, mund të ndodhin disa keqkuptime. Përfytyroni se kohët e fundit keni kaluar nëpër një situatë ku dikush ishte fallco. Për të provuar të paralajmëroni anëtarët e tjerë të grupit, vendosni të komentoni rastin me njerëz të besuar. Në një kohë të shkurtër, do të jetë diçka që do të përhapet dhe së shpejti personi do të mësojë për thashethemet. Në vend që të merrte atë që bëri, është e qartë se tashmë do të shpikë fakte të reja dhe do të përpiqet ta kthejë lojën në favor të tij. Rezultati? Një luftë e pafund thashethemesh dhe dëmtimi i mjedisit. Besojeni, njerëzit e gënjeshtërt gjithmonë zbulohen dhe gjëja më e mirë që ju mund të bëni është që të mos përfshiheni në thashetheme. Shmangni ankimin me këdo që është i përfshirë drejtpërdrejt dhe ndiqni rutinë tuaj në një mënyrë ideale.
Kufizoni ndikimin e pavërtetësisë në jetën tuaj
Kur njerëzit fallco mendojnë se nuk mund të bëjnë më shumë thashetheme rreth jush ose të futen në telashe, është normale që ata të përpiqen të ndikojnë gjithsesi në realitetin tuaj. Pas distancimit, nuk është e pazakontë të shohësh shfaqje të reja të falsitetit me intensitet të madh. Duke e lënë t’ju godasë, ju do t’i jepni atë që dëshiron. Në vend të kësaj, kufizoni ndikimin. Nëse problemi është një i afërm i cili nuk lodhet nga shtrembërimi i fakteve ose veprimi me dy fytyra, kontrolloni irritimin tuaj dhe mos lejoni që t’ju godasë. Ju e dini të vërtetën dhe kjo duhet të mjaftojë për paqen e brendshme. Kur problemi është në punë, mos e lejoni atë të hyjë në jetën tuaj private. Duke e bërë këtë stërvitje të vazhdueshme, është më e lehtë të qëndroni të fokusuar në atë që ka të bëjë me të vërtetë, domethënë ëndrrat tuaja dhe qëllimet tuaja. Kështu, lumturia juaj nuk kompromentohet dhe personi tjetër nuk është më kërcënim për mirëqenien tuaj.
